從來教導亞仔晚上睡覺前要預備好翌日上課的東西，今早老爺晨早又在廚房燒水煮早餐，亞仔臨出門前，才去添水，他又多口，嫌廚房剛燒的水太熱，換了老爺的一句話：「梗係熱啦，飲晒啲水又唔斟返！」

又想怪我？！半夜一人飲幾啖，第朝啲水冇咗半有乜奇！點解唔係教啲細路事先準備好，而係話一早冇人煲水？又係本末倒置，搵嘢嚟嘈。

臨出門前我當著他面前話了亞仔一句：「叫咗你夜晚要準備第朝返學嘅嘢架喇，仲要去賴人！」

在街口等校車時，我再向亞仔說教幾句，說一大清早批評爺爺，爺爺會不高興；另外不應再向爺爺撒嬌，要買這要買那，長大了，這麼任性是很醜怪的。

希望亞仔明白，希望他不再口不擇言，挑起老爺的火氣。

想深一層，一個老年人，應是時候樂聚天倫、安享兒孫福，為避免和他磨擦，兒子新抱寧願外出，又勸止孫兒向他撒嬌，令這些福份遠去，是誰的錯？

***
上星期老爺覆診，可能老爺擔心自己有病，所以心情煩燥忟憎。我們是理解的，一直也很遷就他。唯他好像事事看不順眼，也好像找我來針對，我都處處忍讓。上星期起我常去健身，髒衣服的數量因而多了，為免晚上他們把髒衣服往洗衣機裡塞，令洗衣機負荷過重，我間中會在下午先洗半機衣服。但又惹來他的說話：「幾件衫又開一機呀？」「咁咪日日都開兩機？」老爺，其實好多時夜晚太多衫，我都會分做兩機洗，可能係你唔知啫！

今天去取化驗報告，所以老爺奶奶中午不在，我也樂得自在。

下午他們回來了，老爺身體沒大礙，他心情輕鬆了，人也寬容了。老實說，他倆老經常說累，說人老了身體狀況不如前，我倒覺得是心理病。

***
亞仔放學回來，看見老爺又買了七起汽水（因為又是堆放在大廳，一入門便看見），即時又態度差勁地喝罵：「我唔係話買呢啲，我係話要……」於是又惹起老爺的說話。

唉！放過我得唔得！